03-04-1994

  03-04-1994         ఓంశాంతి         అవ్యక్త బాప్ దాదా         మధువనము  

‘‘సంతుష్టతకు ఆధారము - సంబంధము, సంపద మరియు స్వస్థత (ఆరోగ్యము)’’

ఈ రోజు హృదయాభిరాముడైన తండ్రి తమ సదా సంతుష్టంగా ఉండే సంతుష్ట ఆత్మలను లేదా సంతుష్ట మణులను చూస్తున్నారు. ఈ ఆత్మిక మణుల ప్రకాశము మొత్తం సభను మెరిపింపజేస్తుంది. సంతోషకరమైన ఆత్మలు స్వయానికి కూడా ప్రియంగా మరియు సర్వులకు కూడా ప్రియంగా ఉంటారు మరియు తండ్రికైతే ప్రియమైనవారిగానే ఉన్నారు. ఇలాగే ఉన్నారు కదా! ఎందుకంటే ఈ శ్రేష్ఠ బ్రాహ్మణ జీవితంలో అప్రాప్తి అన్న పేరే లేదు. సర్వ ప్రాప్తి సంపన్న ఆత్మలు మీరు. కావున ఎక్కడ సర్వ ప్రాప్తులు ఉంటాయో అక్కడ సదా సంతుష్టత స్వతహాగా మరియు స్వాభావికంగానే ఉంటుంది. వారి సహజ స్వభావమే సంతోషమైనదిగా ఉంటుంది. మరియు సంతుష్టత యొక్క స్వరూపం లేదా స్వభావం, సంతుష్టత అనే వాస్తవిక సంస్కారం ఎంత శ్రేష్ఠమైనదంటే అసంతుష్ట ఆత్మను కూడా సంతుష్టత యొక్క వైబ్రేషన్స్ మరియు వాయుమండలం, సంతోషం యొక్క వాయుమండలంలోకి మార్చేస్తాయి. ఈ సంగమయుగంలో విశేషంగా బాప్ దాదా ఇచ్చిన కానుక - సంతుష్టత. సంతుష్టత అనే ఒక్క విశేషత మిగిలిన విశేషతలన్నింటినీ కూడా సహజంగానే తమ సమీపానికి తీసుకువస్తుంది. కానీ సదా సంతుష్టంగా ఉండాలి. పరిస్థితి ఎంతగా మారినా కానీ సంతుష్టత అనే స్థితిని పరిస్థితి మార్చలేదు. పర-స్థితి అంటేనే మారిపోయేటువంటిది. కానీ స్వ సంతుష్టత అనే స్థితి సదా ప్రగతిశీలంగా ఉంటుంది. మీ ఎదురుగా ఎటువంటి కదిలించే పరిస్థితి వచ్చినా కానీ, అది ఎలా అనుభవం అవుతుంది అంటే - ఎలాగైతే తోలు బొమ్మలాట చూస్తారు కదా. అన్నీ జరుగుతాయి కానీ అది తోలుబొమ్మ రూపంలోనే జరుగుతుంది. మరి ఎటువంటి పరిస్థితి అయినా తోలు బొమ్మలాటగా అనిపిస్తుందా లేదా ఈ రోజుల్లో ప్యాషన్ అయిన కార్టూన్ షో ఉంది, అది మంచిగా అనిపిస్తుంది కదా. ఉండడమైతే సింహం కూడా ఉంటుంది, పిల్లి కూడా ఉంటుంది, కానీ ఏం జరుగుతుంది? కార్టూన్. కథ పూర్తిగా ఉంటుంది కానీ అది కార్టూన్ కథ, నిజమైనది కాదు. ఎప్పుడైనా, ఏదైనా పరిస్థితి వస్తే - ఒక అనంతమైన స్క్రీన్ పై కార్టూన్ షో నడుస్తుంది లేదా తోలు బొమ్మలాట నడుస్తుంది అనే భావించండి. మరి దానిని చూసి చింతిస్తారా లేక మనోరంజనంగా భావిస్తారా? షో చూడడమైతే మంచిగానే ఉంటుంది కదా. అలాగే ఈ మాయ లేదా ప్రకృతి, ఇది కూడా ఒక షో. దీనిని సాక్షి స్థితిలో, సదా సంతుష్టతా స్వరూపంలో చూస్తూ ఉండండి. నేను సంతుష్ట మణిని, సంతోషీ ఆత్మను - అని మీ ఆత్మగౌరవంలో ఉంటూ చూడండి. ఇది సంగమము యొక్క శ్రేష్ఠ ఆత్మగౌరవము. మరి ఆత్మగౌరవంలో స్థితులవ్వడము వస్తుంది కదా? లేక వ్యాకులత చెందడం మంచిగా అనిపిస్తుందా? సదా సంతుష్టత అనే విశేషతను ఇమర్జ్ రూపంలో స్మృతిలో ఉంచుకోండి.

ప్రాప్తులలో విశేషంగా సంబంధము మరియు సంపద అవసరము. సంబంధాలలో కూడా ఒకవేళ ఒక్క సంబంధం యొక్క అప్రాప్తి ఉన్నా సంపూర్ణ సంతుష్టత ఉండదు. కనుక సంబంధాలలో కూడా అన్ని సంబంధాలు ఉండాలి మరియు అవినాశీగా ఉండాలి. ఒకవేళ ఏ సంబంధం అయినా వినాశీగా ఉంటే అప్రాప్తి మరియు అసంతుష్టత స్వతహాగా ఉంటాయి. కానీ ఒక్క వర్తమాన సంగమయుగంలోనే సర్వ అవినాశీ సంబంధాలను ఒక్క తండ్రితో అనుభవం చేసుకోగలరు. సత్యయుగంలో కూడా సంబంధాలు చాలా తక్కువ ఉంటాయి, అన్నీ ఉండవు, కానీ ఈ సమయంలో ఏ సంబంధం యొక్క ఆకర్షణ ఉంటే, ఏ అనుభూతిని చేసుకోవాలనుకుంటే ఆ సంబంధాన్ని పరమ ఆత్మ ద్వారా అనుభవం చేసుకోగలరు. ప్రతి ఒక్కరి జీవితంలో సంబంధంలో కూడా వేర్వేరు అభిరుచులు ఉంటాయి. కొంతమందికి తండ్రి సంబంధం అంత ఇష్టంగా అనిపించదు, స్నేహితుని సంబంధం ఎక్కువ ఇష్టంగా అనిపిస్తుంది. కానీ ఒకే సమయంలో మరియు ఒకరి ద్వారానే సర్వ సంబంధాలు ప్రాప్తించాయా? సర్వ ప్రాప్తులు లభించాయా లేక ఏమైనా మిగిలిపోయాయా? వెనుక కూర్చున్నవారు ఏమని భావిస్తున్నారు? ఈ రోజు క్రొత్త-క్రొత్త వారికి ముందు కూర్చునే అవకాశం ఇచ్చారు. అచ్ఛా, ఎవరైతే ఈ కల్పంలో ఈసారి మొదటిసారి వచ్చారో వారు చేతులెత్తండి. మంచిది, విచ్చేసారు. బాప్ దాదా కూడా పదమాల రెట్ల స్నేహ సంపన్నంగా స్వాగతం చెప్తున్నారు. క్రొత్తవారైనా కూడా కల్ప-కల్పానికి అధికారులము అని ఇలా అయితే భావిస్తున్నారు కదా! బాప్ దాదా ఎల్లప్పుడూ అంటారు, పెద్దవారు పెద్దవారే కానీ చిన్నవారు తండ్రి సమానమైనవారు, అందుకే సదా తమ ఆత్మిక అనంతమైన సంపూర్ణ అధికారం యొక్క నిశ్చయము మరియు నషాలో ఉండండి. ఇది అనంతమైన నషా, హద్దు నషా పెట్టుకోకండి. చూడండి, ఎంతటి శ్రేష్ఠ అధికారులు మీరు, స్వయం ఆల్మైటీ అథారిటీ అయిన తండ్రిపై అధికారం పెట్టుకున్నారు. పరమాత్మ అధికారి, ఇంతకన్నా గొప్ప అధికారం ఇంకేదైనా ఉంటుందా! బీజాన్నే తమదిగా చేసుకున్నప్పుడు, వృక్షమైతే ఇమిడి ఉండనే ఉంటుంది. సర్వ సంబంధాల అవినాశీ అధికారాన్ని కూడా తీసుకున్నారు మరియు సంపదలో కూడా ఒకవేళ కేవలం స్థూల సంపద ఉన్నా కూడా సదా సంతుష్టంగా ఉండలేరు. స్థూల సంపదతో పాటు ఒకవేళ సర్వ గుణాల సంపద, సర్వ శక్తుల సంపద మరియు శ్రేష్ఠ సంపన్నమైన జ్ఞాన సంపద లేకపోతే సంతుష్టంగా సదా ఉండలేరు. కానీ మీ అందరి వద్ద ఈ శ్రేష్ఠ సంపదలు ఉన్నాయి. సంపన్నవంతులే కదా! ప్రపంచంలోని వారైతే కేవలం స్థూల సంపద కలవారికి సంపత్తి భవ అనే వరదానం ఇస్తారు, కానీ మీ అందరికీ వరదాత తండ్రి సర్వ శ్రేష్ఠ సంపత్తి భవ అనే వరదానాన్ని ఇస్తారు. మరి అన్ని సంపదలు ఉన్నాయి కదా? లేక ఏమైనా తక్కువగా ఉన్నాయా? పూర్తిగా ఉన్నాయా? వెనుక ఉన్నవారిపై అందరికన్నా ఎక్కువగా ధ్యాస ఉంది. ముందు ఉన్నవారికి తండ్రిపై ధ్యాస ఎక్కువగా ఉంది మరియు తండ్రి ధ్యాస వెనుక ఉన్నవారిపై ఎక్కువగా ఉంది. ఎంతగానైతే దూరంగా ఉన్నారో అంతగానే నయనాలలో ఇమిడి ఉన్నారు.

సాకార వతనంలోనైతే సాకార విషయాలు ఉంటాయి. చూడండి, పరంధామంలో ఆత్మలైన మీరందరూ ఎంత సమీపంగా ఉంటారు! అందరూ కలిసి ఉంటారు కదా! మరియు సూక్ష్మవతనంలో కూడా, ఎంత అనంతంగా ఉంటుందంటే ఎవరు ఎంత సమీపంగా రావాలనుకుంటే అంత రాగలరు. కానీ పిల్లల స్నేహం నిరాకారుడిని మరియు ఆకారిని కూడా సాకారిగా చేయాలనుకుంటుంది. మరి తండ్రి ఏమంటారు? జీ హజూర్, జీ హాజిర్. పిల్లలైతే తండ్రికి కూడా హజూర్(ప్రభువు)లు, యజమానులు కదా! యజమానిని ప్రభువు అని అంటారు మరియు పిల్లలను కూడా యజమాని అని అంటారు. మరి మీరందరూ ఎవరు? సంతుష్టమణులు. సంబంధంలో కూడా సంతుష్టత మరియు సంపదలో కూడా సంతుష్టత. సంబంధం, సంపద మరియు మూడవది స్వస్థత, ఆరోగ్యము. మీరందరూ ఆరోగ్యంగా ఉన్నారు కదా లేక అనారోగ్యంగా ఉన్నారా? ఆత్మ అయితే ఆరోగ్యంగా ఉంది కదా, శరీరం యొక్క విషయమే లేదు. ఆత్మ సదా శక్తిశాలిగా ఉంది. ఆత్మ యొక్క ఆరోగ్యమే సంగమములో శ్రేష్ఠమైన స్వస్థత లేదా ఆరోగ్యము. ఈ సమయంలోని ఆత్మ యొక్క ఆరోగ్యం జన్మ-జన్మలకు శారీరక ఆరోగ్యాన్ని కూడా ఇప్పిస్తుంది. కానీ ఈ సమయంలో ప్రకృతి కొంచెం తమ రూపాన్ని చూపిస్తుంది. ఇందులో కూడా ఏదీ పెద్ద విషయం కాదు. ఇది కూడా కార్టూన్ షో. మరి సర్వ ప్రాప్తులు ఉన్నాయి కదా. సంబంధాలు కూడా ఉన్నాయి, సంపత్తి భవ కూడా ఉంది, సర్వ సంబంధ భవ కూడా ఉంది మరియు సదా ఆరోగ్యవాన్ భవ కూడా ఉంది. మూడు వరదానాలు వరదాత తండ్రి ద్వారా లభించి ఉన్నాయి. కనుక వరదానాలను సమయానికి కార్యంలో వినియోగించండి. అవును, నాకు చాలా మంచి వరదానం లభించింది అని కేవలం వరదానం విని సంతోషపడకండి లేదా కేవలం నోట్ చేసుకుని ఉంచుకోకండి, కానీ సమయానికి వరదానాన్ని కార్యంలో వినియోగించడం ద్వారా వరదానం స్థిరంగా ఉంటుంది. ఒకవేళ వరదానాలను సమయానికి కార్యంలో వినియోగించలేదు అంటే ఆ వరదానం ఫలాన్ని ఇవ్వదు. వరదానమైతే అవినాశీ తండ్రికి సంబంధించినది, కానీ వరదానాన్ని ఫలీభూతము చేయాలి. బీజమైతే ఉంది కానీ దాని ద్వారా ఎన్ని ఫలాలు వచ్చేలా చేస్తారు అన్నది మీ చేతిలో ఉంది. కొంతమంది కేవలం వరదానం యొక్క బీజాన్ని చూసి చాలా బాగుంది, చాలా బాగుంది అని సంతోషపడుతూ ఉంటారు, కానీ ఫలదాయకంగా చేసుకోండి. పదే-పదే స్మృతి అనే నీటిని ఇవ్వండి, వరదానం యొక్క స్వరూపంలో స్థితులవ్వడము అనే ఎండను ఇవ్వండి, అప్పుడు చూడండి, వరదానం సదా ఫలీభూతమవుతూ ఉంటుంది, ఇతర వరదానాలను కూడా తోడుగా తీసుకువస్తుంది. వరదానాల ఫల స్వరూపులుగా అయిపోతారు. కావున ఈ రోజు మూడు వరదానాలను ఫలీభూతము చేయండి మరియు సమయానికి తప్పకుండా గుర్తు పెట్టుకోండి. సమయానికి మర్చిపోతారు, అవును, ఈ వరదానమైతే ఉండేది అని తర్వాత చదువుకుంటూ ఉంటారు. వరదానాలను ఎంతగా సమయానికి కార్యంలో వినియోగిస్తారో, అంతగా వరదానం ఇంకా శ్రేష్ఠ స్వరూపాన్ని చూపిస్తూ ఉంటుంది. మరి అందరికీ వరదానం లభించింది కదా! అచ్ఛా.

నలువైపులా ఉన్న దేశ-విదేశాలలోని సర్వ సంతోషీ ఆత్మలకు, సంతుష్టమణులకు, సర్వ ప్రాప్తి సంపన్న ఆత్మలకు, ఎవరైతే స్మృతి, ఉత్తరాలు, కార్డులు ఈ రోజు గురించి కూడా పంపించారో, అలా విశేష దినమైన ఈ రోజు కోసం కూడా పిల్లలందరూ పదమాల రెట్లు ప్రియస్మృతులను స్వీకరించండి. అయితే దూరంగా కూర్చుని మనసులో, హృదయంలో జరుపుకుంటున్నా లేక సమ్ముఖంలో జరుపుకుంటున్నా సరే, కార్డులు లేదా ఉత్తరాలు అన్నీ మొదట వతనానికి చేరుకుంటాయి. కావున అందరి ఉత్తరాలు, కార్డులు మరియు శుభ సంకల్పాల స్మృతి, శుభ భావనల స్మృతికి రిటర్నులో బాప్ దాదా యొక్క విశేషమైన ప్రియస్మృతులు మరియు బాలక్ సో మాలిక్ పిల్లలందరికీ నమస్తే. అచ్ఛా.

దాదీలతో మిలనము

సూక్ష్మ సూచనల భాష అయితే తెలుసు కదా. ఎలాగైతే అవ్యక్త తండ్రికి సూచనల భాషే తెలుసు. అవ్యక్త వతనములోనైతే నయనాల భాష మరియు సూచనల భాష ఉంటుంది. మీకు కూడా తెలుసు కదా. నయనాల భాష తెలుసా? సాకారుని నుండి నేర్చుకున్నారు కదా. నోటి భాషనైతే విన్నారు, ఇప్పుడు నయనాల భాష ఉంది. నయనాల భాష చాలా ప్రియమైనది. శబ్దము నుండి అతీతంగా అయితే వెళ్ళాల్సిందే. అయినా కూడా తండ్రి జీ హజూర్ అనైతే తప్పకుండా అంటారు. అచ్ఛా.

అవ్యక్త బాప్ దాదా యొక్క వ్యక్తిగత మిలనము

1. స్వయముపై మరియు సమయముపై భరోసా లేదు, అందుకే దృఢ సంకల్పముతో బలహీనతలను తొలగించండి

అందరూ స్వయాన్ని విశ్వ సేవాధారులుగా అనుభవం చేస్తున్నారా? ఎవరి వద్దనైతే సర్వశక్తుల ఖజానా సంపన్నంగా ఉందో, విశ్వ సేవాధారులుగా లేక విశ్వ కళ్యాణకారులుగా వారే అవ్వగలరు. మరి సర్వశక్తుల స్టాక్ జమ అయి ఉందా? సర్వశక్తులు ఉన్నాయా లేక ఒక శక్తి ఉంది, మరొకటి లేదా? అప్పుడప్పుడు ఏదైనా తక్కువ అవుతుందా! సదా తమను తాము చెక్ చేసుకోండి - సర్వ శక్తులు ఉన్నాయా లేక ఏదైనా శక్తి యొక్క లోపం ఉందా? ఒకవేళ లోపం ఉంది అంటే దాని కారణం గురించి ఆలోచించండి, ఎందుకంటే కారణాన్ని అర్థం చేసుకుంటే నివారణ చేయగలరు, ఎందుకంటే మాయ యొక్క నియమము ఏమిటంటే - ఏ బలహీనత అయితే మీలో ఉంటుందో ఆ బలహీనత ద్వారానే మిమ్మల్ని మాయాజీతులుగా అవ్వనివ్వదు. మరి వర్తమాన సమయంలో కూడా ఎప్పటికప్పుడు మాయ ఆ బలహీనత నుండే లాభం తీసుకుంటుంది మరియు మున్ముందు ఎప్పుడైతే అంతిమ సమయం వస్తుందో, అప్పుడు కూడా ఆ బలహీనత మోసం చేస్తుంది. కనుక ఇలా ఆలోచించకండి - కొంచెం బలహీనతే ఉంది, ఒక్క బలహీనతే ఉంది, మిగిలినవాటిలో చాలా మంచిగా ఉన్నాను, మంచిగా ఉన్నాను! ఒక్క బలహీనత అయినా కూడా అది మోసం చేస్తుంది, అందుకే ఏ బలహీనతనైనా మీ లోపల ఉండనివ్వకండి. ఒకవేళ స్వయం తొలగించుకోలేకపోతే ఎవరి సహాయాన్ని అయినా తీసుకోండి, శక్తిశాలి ఆత్మలు ఎవరైతే ఉన్నారో, వారి సహయోగం తీసుకోండి. విశేషంగా యోగ ప్రయోగం చేయండి. ఏ విధితోనైనా బలహీనతను తొలగించుకోవాల్సిందే, ఈ దృఢ సంకల్పం చేయండి. మున్ముందు అయిపోతుందిలే అని ఇలా కూడా ఆలోచించకండి. అలా కాదు, ఇప్పటి నుండే తొలగించండి ఎందుకంటే స్వయముపై మరియు సమయముపై ఎటువంటి భరోసా లేదు. మున్ముందు ఇది చేస్తాము, అయిపోతుంది అని ఇలా ఆలోచించకండి. అలా కాదు. మీ స్లోగన్ ఉంది, ఇప్పుడు కాకపోతే ఇంకెప్పుడూ అవ్వదు, కనుక ఏది చేయాలనుకుంటే అది ఇప్పుడే చేయాలి ఎందుకంటే తండ్రి సంపన్నులు మరియు మీకు తండ్రిపై ప్రేమ ఉంది, మరి తండ్రిలాగా అవ్వడమే ప్రేమకు ప్రాక్టికల్ స్వరూపము. తండ్రిపై ఎంతగా చాలా-చాలా ప్రేమ ఉందో, అంతగానే పురుషార్థముపై కూడా చాలా-చాలా ప్రేమ ఉందా? తండ్రిపైనున్న ప్రేమ గురించి - 100 శాతం కన్నా కూడా ఎక్కువ ప్రేమ ఉంది అని ఎంతగా నషాతో అంటారు, అదే విధంగా పురుషార్థం గురించి కూడా అనండి. ఆలోచిస్తాములే, చేస్తాములే... ఇలా కాదు. అన్ని బలహీనతలు సమాప్తము అవ్వాలి. చేస్తాములే, చేస్తాములే కాదు. శివరాత్రిని జరుపుకోవడానికి వచ్చారు మరి ఏదో ఒకటి బలి ఇస్తారు కదా. బాప్ దాదా పిల్లలందరినీ సంపన్నంగా చూడాలనుకుంటారు. తండ్రికి ప్రేమ ఉంది, అందుకే పిల్లల లోపం మంచిగా అనిపించదు. మరి ఏం గుర్తు పెట్టుకుంటారు, సదా సంపన్నంగా, సంపూర్ణంగా అవ్వాల్సిందేనా లేదా కొన్ని-కొన్ని కంప్లైంట్ల (ఫిర్యాదులు)ను చేస్తూ ఉంటారా? కంప్లీట్ అవ్వాలి (సంపూర్ణముగా అవ్వాలి)! కంప్లైంట్లు సమాప్తము అవ్వాలి. సంపన్నంగా అవ్వడమే జరుపుకోవడము అని అంటారు.

2. వేస్టును బెస్టుగా చేయడము అనగా హోలీహంసలుగా అవ్వడము

అందరూ స్వయాన్ని సదా హోలీహంసలుగా అనుభవం చేసుకుంటున్నారా? హోలీహంస అంటే అర్థము సంకల్పము, మాట మరియు కర్మలో, ఏదైతే వ్యర్థముగా ఉందో దానిని సమర్థములోకి మార్చడము ఎందుకంటే వ్యర్థము రాయి వలె ఉంటుంది, రాతికి విలువ ఉండదు, రత్నానికి విలువ ఉంటుంది. కనుక వ్యర్థాన్ని సమాప్తము చేయడము అనగా హోలీహంసలుగా అవ్వడము. మరి వ్యర్థము వస్తుందా? హోలీహంస వెంటనే పరిశీలిస్తుంది - ఇది ఉపయోగపడే వస్తువు కాదు, ఇది ఉపయోగపడుతుంది అని. మరి మీరు హోలీహంసలు కదా. మరి వ్యర్థము సమాప్తమైందా? ఎందుకంటే, ఒకవేళ ఇప్పటికీ కూడా సంకల్పం, మాట లేక కర్మ వ్యర్థంగా పోగొట్టుకున్నట్లయితే మొత్తం కల్పము కోసం తమ జమ ఖాతాలో లోపం ఉండిపోతుంది అని ఇప్పుడు నాలెడ్జ్ ఫుల్ గా అయ్యారు. తెలుసు కదా, నాలెడ్జ్ ఫుల్ గా ఉన్నారా? మరి తెలిసి ఉంటూ మళ్ళీ ఎందుకు వ్యర్థం చేస్తారు? కావాలనుకోలేదు కానీ జరిగిపోతుంది అని ఇలా అంటారా! ఇప్పుడైనా కూడా అవ్వగలదు అని ఎవరైతే భావిస్తారో వారు చేతులెత్తండి. మీరెవరు? (రాజయోగి) రాజయోగి అంటే అర్థమేమిటి? రాజా కదా! మరి మనసును కంట్రోల్ చేయలేరా! కింగ్ లో రూలింగ్ పవర్ ఉంటుంది కదా! మరి మీలో రూలింగ్ పవర్ లేదా! అమృతవేళ మరియు మొత్తము రోజంతటిలో మధ్య-మధ్యలో, నేను ఎవరిని అని తమ కర్తవ్యాన్ని గుర్తు చేసుకోండి ఎందుకంటే పని చేస్తూ-చేస్తూ, నేను రాజయోగిని అన్న ఈ స్మృతి మర్జ్ అయిపోతుంది, అందుకే ఇమర్జ్ చేసుకోండి. దీనిని నియమముగా పెట్టుకోండి. మేమైతే ఉన్నదే రాజయోగులము అని ఇలా భావించకండి. కానీ రాజయోగి సీటుపై సెట్ అయ్యి ఉండండి. లేదంటే నడుస్తూ-నడుస్తూ కర్మలో బిజీగా ఉన్న కారణంగా యోగాన్ని మర్చిపోతారు, కేవలం కర్మయే ఉండిపోతుంది. కానీ కర్మయోగులైన మీరు కంబైండుగా ఉన్నారు. యోగి సదా రూలింగ్ పవర్, కంట్రోలింగ్ పవర్ లో ఉండాలి. మరి రాజయోగి డబుల్ పవర్ ఉన్నవారు ఎప్పుడూ కూడా వ్యర్థము ఆలోచించలేరు. మరి ఇప్పుడు రాజయోగి వేస్టు చేయగలరు అని, ఇలా ఎప్పుడూ అనకండి, అలా ఆలోచించకండి కూడా - మరి ఇది ఏ గ్రూపు? బెస్ట్ గ్రూపు. బాప్ దాదాకు కూడా బెస్ట్ గ్రూపు అతి ప్రియమైనది, ఎందుకు? 63 జన్మలు చాలా వేస్ట్ చేసారు కదా, ఇప్పుడు ఈ చిన్న జన్మ బెస్ట్ యే బెస్ట్ గా ఉండాలి. అచ్ఛా!