25-12-1982 ఓంశాంతి అవ్యక్త బాప్ దాదా మధువనము
విధి-విధాత-వరదానం.
విశ్వ అధికారి, విశ్వ నిర్మాత, వరదానమూర్తి అవ్యక్త బాప్ దాదా క్రిస్మస్ సందర్భంగా తన యొక్క పిల్లలతో మాట్లాడుతున్నారు -
ఈరోజు సర్వ స్నేహి పిల్లలకు స్నేహం యొక్క జవాబు ఇవ్వడానికి బాప్ దాదా కలుసుకోవడానికి రావలసి వచ్చింది. మొత్తం విశ్వంలో పిల్లల స్నేహం యొక్క, స్మృతి యొక్క ధ్వని బాప్ దాదాకి వతనంలో మధురాతి మధురమైన పాట రూపంలో చేరుకుంది. పిల్లలు ఎలా అయితే బాబా స్నేహం యొక్క పాటలు పాడుకుంటారో అదేవిధంగా బాప్ దాదా పిల్లలు గుణాల యొక్క పాటలు పాడుతున్నారు. ఏవిధంగా అయితే పిల్లలు బాప్ దాదాని చూసి ఇటువంటి బాప్ దాదా కల్పంలో మరలా లభించరు అంటున్నారో అదేవిధంగా బాప్ దాదా కూడా పిల్లలను చూసి ఇటువంటి పిల్లలు కల్పంలో ఇంకెప్పుడూ లభించరు అంటున్నారు. ఈ విధంగా బాబా మరియు పిల్లల యొక్క ఆత్మిక సంభాషణ వింటున్నారా? బాబా మరియు మీరు కంబైండ్ రూపం కదా! ఈ స్వరూపాన్నే సహజయోగం అంటారు. యోగం జోడించేవారు కాదు కానీ సదా కంబైండ్ అంటే వెంట ఉండేవారు. ఈ విధమైన స్థితిని అనుభవం చేసుకుంటున్నారా లేక చాలా శ్రమ చేయవలసి వస్తుందా? చిన్నతనంలో ఏమి ప్రతిజ్ఞ చేసారు? వెంట ఉంటాము, వెంట జీవిస్తాము, వెంట నడుస్తాము అని. ఈ ప్రతిజ్ఞ పక్కాగా చేసారా? సాకార బాబా యొక్క పాలనకి అధికారి ఆత్మలు. మీ యొక్క భాగ్యం గురించి బాగా ఆలోచించుకోండి మరియు అర్ధం చేసుకోండి.
ఈరోజు విశేషంగా ఒక స్లోగన్ స్మృతిలోకి ఉంచుకోవాలి. మూడు శబ్దాలు స్మృతిలో ఉంచుకోవాలి - విధి, విధానం మరియు వరదానం. విధి ద్వారా సహజంగా సిద్ధిస్వరూపంగా అవుతారు. విధానం ద్వారా విశ్వ నిర్మాతగా, వరదానం ద్వారా వరదానమూర్తిగా అవుతారు. ఈ మూడు మాటలతో సదా సమర్ధంగా అవుతారు.
నలువైపుల ఉన్న ప్రియమైన పిల్లలకు ఉన్నతోన్నతమైన బాబా యొక్క ఉన్నతోన్నతమైన పిల్లలకు, సర్వులను సంపన్నంగా చేసేవారికి ఈ విధంగా మాష్టర్ విధాత, వరదాని పిల్లలకు, మాయకు వీడ్కోలు ఇచ్చేవారికి శుభాకాంక్షలు. ఈ శుభాకాంక్షలతో పాటు వెనువెంట ఈరోజు విశేషంగా పిల్లల యొక్క ఉత్సాహ, ఉల్లాసాలకు శుభాకాంక్షలు, సర్వ ఆత్మలకు, సాకారంలో మరియు ఆకారంలో సన్ముఖంగా ఉండే వారికి ప్రియ స్మృతులు మరియు నమస్తే.
బాప్ దాదా ముందు హాంకాంగ్ నుంచి దాదా రామ్ మరియు సావిత్రి అక్కయ్య యొక్క లౌకిక పరివారం కూర్చుని ఉన్నారు. ఈ విధముగా కోట్లలో కొద్దిమంది భాగ్య విధాత సన్ముఖంగా సంపర్కంలోకి వస్తారు. సమయం వచ్చినప్పుడు మీ భాగ్యం స్మృతిలోకి వస్తుంది. శ్రేష్ట భాగ్యమునకు గుర్తు - ఆది పితను పొందడం. సదా తోడుగా ఉండే నిరంతర యోగిగా, సదా సహజ యోగిగా, ఎగిరే కళలో ఉండేవారిగా, సదా ఫరిస్తా స్వరూపులుగా ఉండండి.
దాత ఇవ్వాలా లేక తీసుకోవాలా? తండ్రి కూడా ఎందుకు తీసుకుంటారు? పదమాలుగా మార్చి ఇచ్చేందుకు. తండ్రికి అవసరం ఏముంది? తండ్రి వద్ద ఉన్నదంతా పిల్లల కొరకే. కనుక తండ్రి దాత కూడా, విధాత కూడా, వరదాత కూడా, తండ్రి పిల్లల భాగ్యమును ఎంతగా తెలుసుకున్నారో అంతగా పిల్లలు తమ భాగ్యమును తెలుసుకోలేదు. భాగ్యం యొక్క రోజు సదా సమర్థంగా అయ్యే ఈ రోజును గుర్తుపెట్టుకోండి. మీరందరూ అదృష్ట పరివారము ఎందుకంటే ఈ పరివారం నిమిత్తమైన బీజం అయిన కారణంగా వృక్షం వృద్ధి చెందుతున్నది మరియు చెందుతూ ఉంటుంది. ఆ ఆత్మ యొక్క శ్రేష్ట కామనలు మొత్తం పరివారమునకు లిఫ్ట్ యొక్క గిఫ్ట్ రూపంలో లభించినవి. ఎందుకంటే ఈ ఆత్మ శుద్ధ, పవిత్ర ఆత్మ. కనుకనే పవిత్ర జలం ప్రత్యక్ష ఫలమును ఇస్తుంది అర్థమైందా? సొకార రూపంలో నిమిత్తమాత గురువు (సావిత్రి) కూర్చుని ఉన్నారు. తల్లి గురువుగా అయ్యారు, తండ్రి లిఫ్ట్ యొక్క గిఫ్ట్ ను ఇచ్చారు. ఇప్పుడు ఈ కుటుంబం ఏమి చేయాలి? ఫాలో ఫాదర్ చేయాలి కదా.ఇందులో మీరు దేనినీ వదులుకోవాల్సిన అవసరం లేదు. భయపడకండి.
డబుల్ విదేశీ పిల్లలు కూడా వచ్చారు. బాప్ దాదా కూడా ఇప్పుడు విదేశీయుడే. బ్రహ్మా బాబా కూడా విదేశీయుడే అయ్యారు. విదేశీయులు విదేశీ వ్యక్తులను కలవడం గొప్ప విషయం. బాప్ దాదా పిల్లలందరినీ, అందులో విశేషంగా నిమిత్త డబుల్ విదేశీ పిల్లలలో ఒక విశేష విషయమును చూసి హర్షిస్తున్నారు. అది ఏమిటి ? విదేశీ పిల్లల విశేష మిలనం యొక్క లగ్నం బాప్ దాదా వద్దకు ఈరోజు విశేష రూపంలో చేరుకుంది. సాకార ప్రపంచం ప్రకారం ఈ రోజు విదేశీయులకు విశేషమైన రోజుగా జరుపుకోబడుతుంది. టోలీ, స్వీట్స్ తిన్నారా? లేక తినబోతున్నారా? బాప్ దాదా మిఠాయిలను తినిపించి మధురంగా చేస్తారు, స్వయం కూడా మధురంగా అయ్యారు కదా. నలువైపుల నుండి వచ్చిన పిల్లలకు, మధువన నివాసిలకు స్నేహమునకు రిటర్న్ గా సదా కంబైన్డ్ అనగా సదా తోడుగా ఉండే వరదానమును మరియు వారసత్వమును ఇస్తున్నారు. డబల్ అధికారులుగా అయ్యారు. వారసత్వము లభించింది మరియు వరదానము లభించింది. ఎక్కడ ఏ కష్టం అనుభవం అయినా, వరదాత రూపమును స్మృతిలోకి తెచ్చుకోండి. కనక వరదాత ద్వారా వరదాన రూపమును ప్రాప్తించుకున్న కారణంగా కష్టం సహజమైపోతుంది మరియు సహజ ప్రాప్తి యొక్క అనుభవం కూడా కలుగుతుంది.
Comments
Post a Comment