02-12-1985 అవ్యక్త మురళి

02-12-1985          ఓంశాంతి         అవ్యక్త బాప్ దాదా        మధువనము  

బంధనాలనుండి ముక్తులుగా అయ్యేందుకు యుక్తి - ఆత్మిక శక్తి

ఈరోజు బాప్దాదా తమ ఆత్మిక పిల్లల ఆత్మికతా శక్తిని చూస్తున్నారు. పిల్లల సంబంధము ఉన్న కారణంగా ఆత్మిక పిల్లలు ప్రతి ఒక్కరూ ఆత్మిక తండ్రినుండి ఆత్మిక శక్తికి చెందిన సంపూర్ణ అధికారమును ప్రాప్తి అయితే చేసుకున్నారు. కానీ ప్రాప్తి స్వరూపులుగా ఎంతవరకు అయ్యారు, అన్నదానిని చూస్తుండినారు.పిల్లలందరూ ప్రతిరోజు స్వయమును ఆత్మిక పిల్లలు అని అనుకుంటూ, ప్రియస్మృతులకు రిటర్న్ను ఆత్మిక తండ్రికి నోటితో లేక మనసుతో ప్రియస్మృతుల రూపంలో లేక నమస్తే రూపంలో ఇస్తారు. రిటర్న్ఇస్తారు కదా! ఇందులోని రహస్యమేమంటే ప్రతిరోజు ఆత్మిక తండ్రి ఆత్మిక పిల్లలు అని అంటూ ఆత్మిక శక్తియొక్క వాస్తవిక స్వరూపపు స్మృతిని తెప్పిస్తారు, ఎందుకంటే ఈ బ్రాహ్మణ జీవిత విశేషతయే ఆత్మికత. ఈ ఆత్మికతా శక్తిద్వారా స్వయమును మరియు సర్వులను పరివర్తన చేస్తారు.ముఖ్యమైన ఫౌండేషనే ఈ ఆత్మిక శక్తి. ఈ శక్తిద్వారానే అనేకరకాలైన దైహిక బంధనాలనుండి ముక్తి లభిస్తుంది. ఇప్పటివరకుకూడా అనేక సూక్ష్మ బంధనాలు ఏవైతే ఉన్నాయో, వాటిని స్వయముకూడా అనుభవము చేస్తారు.ఆ బంధనమునుండి ముక్తి కావాలని కోరుకుంటున్నారు అన్నదానిని బాప్దాదా చూస్తుండినారు. కానీ వారు ముక్తిని పొందే యుక్తిని ప్రాక్టికల్లోకి తీసుకురాలేకపోతారు. కారణమేంటి? ఆత్మిక శక్తిని ప్రతి కర్మలో ఉపయోగించటము రాదు. ఒకే సమయములో సంకల్పము, మాట మరియు కర్మ, మూడింటినీ తోడుతోడుగా శక్తిశాలిగా తయారుచేసుకోవలసివస్తుంది. కానీ ఎందులో లూజ్అయిపోతుంది? ఒకవైపు సంకల్పాలను శక్తిశాలిగా తయారుచేసుకుంటారు, కానీ వాణిలో ఎంతో కొంత లూజ్అయిపోతుంది. ఒక్కోసారి వాణిని శక్తిశాలిగా తయారుచేసుకుంటారు, కానీ కర్మలలో లూజ్అయిపోతుంది. కానీ ఈ మూడింటినీఒకే సమయములో ఆత్మికంగా శక్తిశాలిగాతయారుచేసుకున్నట్లయితే, ఇదే ముక్తిని పొందేందుకు యుక్తి. సృష్టి రచనలో ఏవిధంగా స్థాపన, పాలన మరియు వినాశనము అన్న ఈ మూడుకార్యాలు తప్పనిసరో అలాగే సర్వ బంధనాలనుండి ముక్తి అయ్యేందుకు యుక్తి - మనసా, వాచ, కర్మణ, ఈ మూడింటిలో ఆత్మిక శక్తి తోడుతోడుగా ఉండటము తప్పనిసరి. ఒకసారి మనసును సంభాళించుకున్నట్లయితే వాచలో లోపము వచ్చేస్తుంది. మళ్ళీ, ఇలా అయితే ఆలోచించలేదు, ఇలా ఎందుకైందో తెలియదు అని అంటారు. మూడు వైపులా పూర్తి అటెన్షన్కావాలి. ఎందుకని? ఈ మూడు సాధనాలు సంపన్న స్థితిని మరియు బాబాను ప్రత్యక్షము చేసేటటువంటివి. ముక్తిని పొందేందుకు మూడింటిలో ఆత్మికతా అనుభవము ఉండాలి. ఎవరైతే మూడింటిలో యుక్తీయుక్తులో వారే జీవన్ముక్తులు. కనుక బాప్దాదా సూక్ష్మ బంధనాలను చూస్తున్నారు. సూక్ష్మ బంధనాలలో కూడా విశేషంగా ఈ మూడింటికి కనెక్షన్ఉంది. బంధనమునకు గుర్తు -

బంధనము కలవారు సదా పరవశమై ఉంటారు. బంధనము కలవారు స్వయమును ఆంతరిక సంతోషములో లేదా సుఖములో సదా అనుభవము చెయ్యరు. ఎలాగైతే లౌకిక ప్రపంచంలోని అల్పకాలికమైన సాధనాలు అల్పకాలికమైన సంతోషము లేక సుఖపు అనుభూతిని కలిగిస్తాయి కానీ ఆంతరికమైన లేక అవినాశీ అనుభూతి ఉండదు,అలా సూక్ష్మ బంధనములో బంధింపబడి ఉన్న ఆత్మ ఈ బ్రాహ్మణ జీవితంలో కూడా కొద్ది సమయము కొరకు సేవా సాధనాలు, సంగఠన శక్తి అనే సాధనము, ఏదో ఒక ప్రాప్తియొక్క సాధనము, శ్రేష్ఠ సాంగత్యం యొక్క సాధనం ఈ సాధనాల ఆధారంతో నడుస్తారు, ఎప్పటివరకు సాధనాలు ఉంటాయో అంతవరకు సంతోషపు లేక సుఖపు అనుభూతిని చేస్తారు. కానీ సాధనాలు సమాప్తమైనట్లయితే సంతోషము కూడా సమాప్తమైపోతుంది. సదా ఏకరసంగా ఉండరు. ఒక్కోసారి సంతోషంలో ఎలా నాట్యం చేస్తుంటారంటే, వీరిలాగా ఇంకెవ్వరూ ఉండనే ఉండరు అన్నట్లు ఆ సమయంలో అనిపిస్తుంది. కానీ ఆగిపోయారంటే, ఆ సమయంలో చిన్న రాయినికూడా పర్వతంలా అనుభవం చేస్తారు ఎందుకంటే ఒరిజినల్శక్తి లేని కారణంగా సాధనాల ఆధారంతో సంతోషంలో నాట్యం చేస్తారు. సాధనాలు లేకపోతే ఇంకెక్కడ నాట్యం చేస్తారు? కనుక ఆంతరిక ఆత్మిక శక్తి మూడు రూపాలలో సదా తోడుతోడుగా ఉండటము అవసరము. ముఖ్యమైన బంధనము - మనసా సంకల్పాలలో కంట్రోలింగ్పవర్ఉండదు. తాము చేసుకునే సంకల్పాలకు వశమైపోయిన కారణంగా పర వశాన్ని అనుభవము చేస్తారు. ఎవరైతే స్వయం యొక్క సంకల్పాల బంధనాలలో ఉంటారో వారు చాలా సమయము ఇందులో బిజీగా ఉంటారు. గాలిమేడలు కట్టేస్తుంటారని మీరు కూడా అంటారు కదా. గాలి కోటలుకట్తుంటారు, మళ్ళీ పడగొడ్తుంటారు. చాలా పొడవైన గోడను నిలబెట్తారు. కనుకనే గాలి కోట అంటారు.ఎలాగైతే భక్తిలోకూడా పూజ చేసి, అలంకారము చేసి, మళ్ళీ ముంచేస్తారు కదా, అలాగే సంకల్పాల బంధనములో బంధింపబడి ఉన్న ఆత్మలు చాలా తయారు చేసుకుంటారు, చాలా పోగొట్టుకుంటారు.స్వయానికి స్వయమే వ్యర్థ కార్యమువలన అలసిపోతారు కూడా, నిరాశ పడిపోతారు. ఒక్కోసారి అభిమానంలోకి వచ్చి వారు చేసిన పొరపాటును ఇతరులపై వేస్తూ ఉంటారు. అయినాకూడా సమయము గడిచేకొద్దీ నేను కరెక్ట్గా చెయ్యలేదు అని లోపల భావిస్తారు, కానీ అభిమానములో పరవశమైయున్న కారణంగా, తమను తాము రక్షించుకొనేందుకు ఇతరుల దోషాన్ని గురించే ఆలోచిస్తూ ఉంటారు. అన్నింటికన్నా పెద్ద బంధనము ఈ మనసా బంధనము, దీనివల్ల బుద్ధికి తాళం పడిపోతుంది, కనుక అర్థం చేయించేందుకు ఎంతగా ప్రయత్నించినాగానీ వారికి అర్థం కాదు. మనసా బంధనానికి విశేషంగా ఉన్న లక్షణము -రియలైజేషన్ చెందే శక్తి సమాప్తమైపోతుంది కనుక ఈ సూక్ష్మ బంధనాన్ని సమాప్తము చేస్తే తప్ప ఎప్పుడూకూడా ఆంతరిక సంతోషము, సదాకాలపు అతీంద్రియ సుఖం అనుభవాన్ని చెయ్యలేరు.

సంగమయుగపు విశేషతయే - అతీంద్రియ సుఖములో ఊయలలూగటము, సదా సంతోషములో నాట్యం చెయ్యటము. కనుక సంగమయుగములోనివారుగా అయ్యి ఒకవేళ ఈ విశేషతను అనుభవము చెయ్యనట్లయితే ఇక ఏమంటారు? కనుక ఏవిధమైనటువంటి సంకల్పాల బంధనములోనైతే లేను కదా అని స్వయాన్ని చెక్చేసుకోండి. అది వ్యర్థ సంకల్పాల బంధనమైనా, ఈర్ష్య-ద్వేషములతో కూడిన సంకల్పాలైనా, నిర్లక్ష్యముతో కూడిన సంకల్పాలైనా, సోమరితనమునకు చెందిన సంకల్పాలైనా, ఏవిధమైనటువంటి సంకల్పాలైనా అవి మనసా బంధనమునకు గుర్తు. కనుక ఈరోజు బాప్దాదా బంధనాలను చూస్తుండినారు. ముక్త ఆత్మలుగా ఎంతమంది ఉన్నారు?

బలమైన పెద్ద పెద్ద త్రాళ్ళు అయితే తెగిపోయాయి. ఇప్పుడు ఇవి సూక్ష్మమైన దారాలు. సన్నగా ఉన్నాకానీ బంధనంలో బంధించటంలో చాలా తెలివైనవి. మేము బంధనాలలో బంధింపబడి ఉన్నాము అన్నది కూడా తెలియనే తెలియదు ఎందుకంటే ఈ బంధనము అల్పకాలికమైన నషాను కూడా ఎక్కిస్తుంది. ఎలాగైతే వినాశీ నషాలో ఉన్నవారు ఎప్పుడూకూడా స్వయాన్ని కింద ఉన్నట్లుగా అనుకోరు. కాలువలో ఉన్నాకానీ మహల్లో ఉన్నట్లుగా అనుకుంటారు. ఖాళీ చేతులతో ఉన్నాకానీ తమను తాము మహారాజుగా అనుభవం చేసుకుంటారు. అలాగే ఈ నషా కలిగినవారు కూడా ఎప్పుడూ తమను తాము తప్పుగా భావించరు. ఎప్పుడూ తమను తాము రైట్అని నిరూపించుకుంటూ ఉంటారు లేదా నిర్లక్ష్యాన్ని చూపిస్తారు. ఇదైతే జరుగుతూనే ఉంటుంది, ఇలాగే నడుస్తూ ఉంటుంది అని అంటారు, కాబట్టి ఈరోజు కేవలము మనసా బంధనము గురించి తెలిపాము. తరువాత వాచ మరియు కర్మల గురించికూడా వినిపిస్తాము. అర్థమైందా!

ఆత్మికశక్తి ద్వారా ముక్తిని పొందుతూ వెళ్ళండి. సంగమయుగములో జీవన్ముక్తియొక్క అనుభవమును చెయ్యటమే భవిష్య జీవన్ముక్త ప్రాలబ్ధాన్ని పొందటము. గోల్డన్జూబిలీలోనైతే జీవన్ముక్తులుగా అవ్వాలి కదా, అంతేగానీ కేవలము గోల్డన్జూబిలీని జరుపుకోవటము కాదు. తయారవ్వటమే జరుపుకోవటము. ప్రపంచములోనివారు కేవలము జరుపుకుంటారు, ఇక్కడ తయారుచేస్తారు. ఇప్పుడు త్వరత్వరగా తయారైనట్లయితే అప్పుడు అందరూ మీ ముక్తిద్వారా ముక్తులుగా అయిపోతారు. సైన్స్వారు కూడా తాము చేసిన సాధనాల బంధనములో బంధింపబడ్డారు. నేతలనుకూడా చూడండి, రక్షించుకోవాలనుకుంటారు కానీ ఎంతగా బంధింపబడి ఉన్నారు! ఆలోచించినా గానీ చెయ్యలేకపోయినట్లయితే బంధనము ఉన్నట్లు కదా. ఆత్మలందరినీ భిన్న-భిన్న బంధనాలనుండి ముక్తులుగా చేయించేవారు స్వయం ముక్తులుగా అయ్యి అందరినీ ముక్తులుగా తయారుచెయ్యండి. అందరూ ముక్తి కావాలి, ముక్తి కావాలి అని ఆర్తనాదాలు చేస్తున్నారు. కొందరు పేదరికంనుండి ముక్తిని కోరుకుంటారు. కొందరు గృహస్థమునుండి ముక్తిని కోరుకుంటారు. కానీ అందరినుండి ముక్తి అన్న ఒకే మాట వస్తుంది. మరి ఇప్పుడు ముక్తి దాతగా అయ్యి ముక్తి యొక్క మార్గాన్ని చూపించండి లేక ముక్తి వారసత్వాన్ని ఇవ్వండి. వారి మాటలైతే చేరుకుంటున్నాయి కదా, లేక ఇది బాబా పని, మా పని కాదు అనైతే అనుకోవటం లేదు కదా. ప్రాలబ్ధాన్ని మీరే కదా పొందాలి, బాబాకు పొందే అవసరం లేదు. ప్రజలు లేక భక్తులుకూడా మీకే కావాలి. బాబాకు అవసరం లేదు. ఎవరైతే మీ భక్తులుగా ఉంటారో వారు బాబావారిగా స్వతహాగనే అయిపోతారు ఎందుకంటే ద్వాపరములో మీరే ముందుగా భక్తులుగా అవుతారు. మొదట బాబా పూజను ప్రారంభిస్తారు, కనుక మిమ్మల్ని అందరూ ఇప్పుడు ఫాలో చేస్తారు కనుక ఇప్పుడేం చెయ్యాలి? వారి పిలుపును వినండి. ముక్తి దాతలుగా అవ్వండి. అచ్ఛా!

సదా ఆత్మిక శక్తికి చెందిన యుక్తినుండి ముక్తిని ప్రాప్తి చేసుకునేవారు, సదా స్వయమును సూక్ష్మ బంధనాలనుండి ముక్తి చేసుకుని ముక్తి దాతలుగా అయ్యేవారు, సదా స్వయమును ఆంతరిక సంతోషపు, అతీంద్రియ సుఖపు అనుభూతిలో మున్ముందుకు తీసుకెళ్లేవారు, సదా సర్వుల ప్రతి ముక్త ఆత్మగా చెయ్యాలన్న శుభ భావనను కలవారు అయిన ఇటువంటి ఆత్మిక శక్తిశాలీ పిల్లలకు బాప్దాదాల ప్రియస్మృతులు మరియు నమస్తే.

పార్టీలతో -వినేదానితోపాటు స్వరూపులుగా అయ్యేందులోకూడా శక్తిశాలీ ఆత్మలు కదా. ఎల్లప్పుడు మీ సంకల్పాలలో ప్రతిరోజూ ఏదో ఒక స్వయము కొరకు మరియు ఇతరుల కొరకు ఉల్లాస-ఉత్సాహాలతో కూడిన సంకల్పాలను చెయ్యండి. ఎలాగైతే నేటి సమయంలో వార్తాపత్రికలలో లేక చాలా స్థానాలలో ''నేటి సంకల్పము'' అని విశేషంగా వ్రాస్తారు కదా. అలాగే ప్రతిరోజూ మనసులో ఏదో ఒక ఉల్లాస-ఉత్సాహాలకు చెందిన సంకల్పాలను ఇమర్జ్రూపంలోకి తీసుకురండి. మరియు ఆ సంకల్పాలద్వారా స్వయాన్నికూడా స్వరూపులుగా తయారుచేసుకోండి మరియు ఇతరుల సేవలో కూడా ఆ సంకల్పాలను పెట్టండి, అప్పుడు ఏమవుతుంది? ఎల్లప్పుడు నూతన ఉల్లాస-ఉత్సాహాలు ఉంటాయి. ఈరోజు ఇది చెయ్యాలి, ఈరోజు ఇది చెయ్యాలి అని అనుకుంటారు. ఏదైనా విశేష ప్రోగ్రాం ఉన్నప్పుడు ఉల్లాస-ఉత్సాహాలు ఎందుకని ఉంటాయి? ఇది చేస్తాము, మళ్ళీ ఇది చేస్తాము అని ప్లాన్ను తయారుచేస్తారు కదా. దీనివలన విశేష ఉల్లాస-ఉత్సాహాలు వస్తాయి. అలాగే ప్రతిరోజూ అమృతవేళ విశేషంగా ఉల్లాస-ఉత్సాహాలతో కూడిన సంకల్పాలను చెయ్యండి. మళ్ళీ చెక్కూడా చేసుకున్నట్లయితే మీది కూడా సదాకాలమునకు ఉత్సాహము కల జీవితమౌతుంది మరియు ఉత్సాహాన్ని కలిగించేవారుగా కూడా అవుతారు. అర్థమైందా - ఏవిధంగానైతే మనోరంజన ప్రోగ్రాం ఉంటుందో అలా ఇది ప్రతిరోజూ మనసుయొక్క మనోరంజన ప్రోగ్రాంగా ఉండాలి. అచ్ఛా!

2. సదా శక్తిశాలీ స్మృతిలో ఉంటూ ఉన్నతి చెందే ఆత్మలే కదా? శక్తిశాలీ స్మృతి లేకుండా ఎటువంటి అనుభవాన్నీ చెయ్యలేరు. కనుక సదా శక్తిశాలురుగా అయ్యి ఉన్నతి చెందుతూ వెళ్ళండి. సదా తమ శక్తి అనుసారంగా ఈశ్వరీయ సేవలో మునిగిపోండి మరియు సేవ ఫలాన్ని పొందండి. ఎంత శక్తి ఉంటుందో,అంతగా దానిని సేవలో పెట్తూ వెళ్ళండి.అది తనువుద్వారానైనా, మనసుద్వారానైనా, ధనముద్వారానైనాగానీ సేవలో పెట్టండి. ఒకటికి పదమాగుణాలుగా లభించేదే ఉంది. మీకొరకు జమ చేసుకుంటారు. అనేక జన్మలకు జమ చేసుకోవాలి. ఒక్క జన్మలో జమ చేసుకోవటం వలన 21 జన్మలు కష్టపడటం నుండి ముక్తులైపోతారు. ఈ రహస్యం గురించి తెలుసు కదా! కనుక సదా మీ భవిష్యత్తును శ్రేష్ఠంగా తయారుచేసుకుంటూ వెళ్ళండి. చాలా సంతోషంగా స్వయమును సేవలో ముందుకు తీసుకువెళుతూ ఉండండి. సదా స్మృతిద్వారా ఏకరస స్థితితో ఉన్నతి చెందండి.

3. స్మృతి యొక్క సంతోషంద్వారా అనేక ఆత్మలకు సంతోషాన్ని ఇచ్చే సేవాధారులే కదా! సత్యమైన సేవాధారి అనగా సదా స్వయముకూడా లగనములో మగనమై ఉండాలి మరియు ఇతరులనుకూడా లగనములో మగనమై ఉండేటట్లు చేసేవారు. ప్రతి స్థానములోని సేవ ఎవరిది వారిది ఉంటుంది. అయినాకూడా ఒకవేళ స్వయం లక్ష్యాన్ని ఉంచుకుని ఉన్నతిని పొందినట్లయితే ఇలా ఉన్నతి చెందటమనేది అన్నింటికన్నా సంతోషకరమైన విషయము. వాస్తవానికి ఈ లౌకిక చదువు మొదలైనవన్నీ వినాశీ అయినవి, అవినాశీ ప్రాప్తికి సాధనము కేవలము ఈ జ్ఞానమే. ఇలా అనుభవము చేస్తారు కదా. చూడండి. సేవాధారులైన మీకు డ్రామాలో ఎంతటి గోల్డన్ఛాన్స్లభించిందో! ఈ గోల్డన్ఛాన్స్ను ఎంత ఎక్కువగా ముందుకు తీసుకుపోతే అంతగా మీ చేతుల్లో ఉంటుంది. ఇటువంటి గోల్డన్ఛాన్స్అందరికీ లభించదు. కోట్లలో కొద్దిమందికే లభిస్తుంది. మీకైతే లభించేసింది. ప్రపంచములో ఎవరివద్దా లేనటువంటిది మావద్ద ఉంది అన్న ఇంత సంతోషము ఉంటుందా? ఇటువంటి సంతోషములో సదా స్వయముకూడా ఉండండి మరియు ఇతరులనుకూడా తీసుకురండి. స్వయము ఎంత ఉన్నతి చెందుతారో అంతగా ఇతరుల ఉన్నతి చేస్తారు. సదా ఉన్నతి చెందేవారు, ఇటూ-అటూ చూస్తూ ఆగిపోయేవారు కాదు. ఎల్లప్పుడు బాబా మరియు సేవ ఎదురుగా ఉండాలి, ఇంతే. ఇకఎప్పుడూ ఉన్నతిని పొందుతూ ఉంటారు. సదా స్వయమును బాబాయొక్క అల్లారుముద్దు బిడ్డను అని ఇలా భావించుకుంటూ ఉండండి.

ఉద్యోగం చేసే కుమారీలతో

1. అందరి లక్ష్యమైతే శ్రేష్ఠంగా ఉంది కదా. రెండు వైపులా ఉంటాము అనైతే అనుకోవటం లేదు కదా, ఎందుకంటే ఏదైనా బంధనము ఉన్నప్పుడు రెండు వైపులా నడవటమనేది వేరే సంగతి కానీ నిర్బంధన ఆత్మలు రెండు వైపులా ఉండటము అనగా వ్రేలాడడం. ఎవరికైనా పరిస్థితులు అలా ఉన్నాయంటే బాప్దాదాకూడా అనుమతినిస్తారు, కానీ మనసు బంధనము ఉన్నట్లయితే మళ్ళీ అది వ్రేలాడడం అవుతుంది. ఒక కాలు ఇటు, ఇంకొక కాలు అటు ఉన్నట్లయితే ఏమవుతుంది? ఒకవేళ ఒక నావలో ఒక కాలు, ఇంకో నావలో ఇంకో కాలు ఉంచినట్లయితే వారి పరిస్థితి ఎలా ఉంటుంది? ఇబ్బంది పడిపోతారు కదా కనుక రెండు కాళ్ళు ఒకే నావలో ఉండాలి. ఎల్లప్పుడు తమ ధైర్యాన్ని ఉంచండి. ధైర్యంగా ఉన్నట్లయితే సహజంగానే దాటేస్తారు. నేను ఒంటరిని కాను, నాతో బాబా ఉన్నారు అని ఎల్లప్పుడు గుర్తుంచుకున్నట్లయితే ఏ కార్యాన్ని చెయ్యాలనుకున్నా చెయ్యగలరు.

2. కుమారీలకు సంగమయుగములో విశేష పాత్ర ఉంది, అటువంటి విశేష పాత్రధారులుగా స్వయమును తయారుచేసుకున్నారా? లేక ఇప్పటివరకు సాధారణంగా ఉన్నారా? మీ విశేషత ఏంటి? సేవాధారిగా అవ్వటమే విశేషత. సేవాధారులుగా ఎవరైతే ఉంటారో వారు విశేషమైనవారు. సేవాధారులు కానట్లయితే సాధారణులైనట్లు. ఏ లక్ష్యాన్ని పెట్టుకున్నారు? సంగమయుగములోనే ఈ అవకాశము లభిస్తుంది. ఒకవేళ ఇప్పుడు ఈ అవకాశాన్ని తీసుకోనట్లయితే మొత్తము కల్పములో ఇది లభించదు. సంగమయుగమునకే విశేష వరదానము ఉంది. లౌకిక చదువును చదువుకుంటూకూడా లగనము ఈ చదువుపై ఉన్నట్లయితే ఆ చదువు విఘ్నరూపముగా అవ్వదు. కనుక అందరూ తమ భాగ్యాన్ని తయారుచేసుకుంటూ ఉన్నతి చెందండి. మీ భాగ్యపు నషా ఎంతగా ఉంటుందో, అంతగా సహజంగా మయాజీతులుగా అయిపోతారు. ఇది ఆత్మిక నషా. సదా మీ భాగ్యమునకు చెందిన పాటలను పాడుకుంటూ ఉన్నట్లయితే అలా పాడుతూ-పాడుతూ మీ రాజ్యమునకు చేరుకుంటారు.